jueves, 16 de noviembre de 2017

Celebramos o Magosto!

Coma sempre a festa das castañas gústanos moito. Decoramos o noso "castañeiro" e participamos en diferentes xogos relacionados coa temática.
Déixovos as fotos.



















Tamén fixemos unha degustación de froitas de outono.

Desfrutamos moito do día do magosto!!





domingo, 12 de noviembre de 2017

As nosas árbores de outono

Unha das actividades plásticas que fixemos do outono foron  estas árbores que xa colocamos nunha das fiestras da aula.
Primeiro repasamos co pincel a silueta de cada árbore, despois estampamos con bastonciños empregando as cores das follas do outono e cando xa estaba ben sequiño fixemos trazos co rotulador para que se asemelle á madeira das árbores.





Merendas de Samaín!!

O día da celebración do Samaín, fixemos unha merenda especial. Fixemos unhas escobas de bruxa e unhas arañas.

Ese día todos quixeron poñerse mans á obra e merendaron sen problema!

Celebramos o Samaín 2017!!

Coma todos os anos viñemos disfrazados para celebrar esta terrorífica festa. E, coma sempre, pasámolo xenial!!







Ultimamente nos recunchos...

No recuncho das letras, fixemos un conto de medo empregando un dado con personaxes relacionados co tema: un morcego, unha pantasma, un frankenstein, unha bruxa, un monstruo e unha momia.
Primeiro cada neno ou nena do recuncho  lanzaba o dado. A personaxe que lle tocaba sería a que tería que introducir no conto.
Recordamos como empezan os contos: "Había una vez... Érase unha vez..." E ... comezamos! Para ser unha das primeiras veces que facemos un conto saiu bastante ben.


No recuncho dos números, seguimos reforzando a identificación dos números do 1 ao 4 e a súa asociación coa cantidade. Por medio dunhas tarxetas nas que tiñan que colocar o número de cabazas e de espantallos que indicaba a mesma. Ao rematar tiñan que colorear unha ficha de Samaín seguindo as consigna de cor que se lle indicaba.



No recuncho do outono, pintamos un papel coas cores tipicas das follas nesta estación e ao plegalo e pegalo... Aparece unha folla de outono.




No recuncho do Samaín, adicámonos a aprender a coser nun monstruo. Así traballamos a motricidade fina, a coordinación entre as dúas mans...


Como recuncho libre xogamos ás construcións.

domingo, 22 de octubre de 2017

Esta semana nos recunchos...

No recuncho das letras xogamos ao globo que estoupa. Este é un xogo comercial con moitísimas posibilidades didácticas. En que consiste? É un xogo con tarxetas que nos propón diversas situacións. Por exemplo: no parque, no frigorífico, nun xardín, nun aeroporto, no peto, na xungla...
O que temos que facer é escoller unha carta cunha determinada temática e dicir palabras que teñan que ver coa mesma. Para iso,  prememos o globo, dicimos unha palabra e pasámosllo ao compañeiro ou compañeira, ao que lle estoupe...
Este xogo encantoulles!!
Con este xogo traballamos o vocabulario asociándoo a unha temática, ampliamos o número de palabras coñecidas, escoitamos a correcta pronunciación das palabras...

No recuncho dos números tivemos dúas actividades de tipo individual. Unha consistía en ensartar unhas pezas nun cordel en función da consigna dada. Por exemplo: barco amarelo, árbore azul, man lila, oso amarelo e barco vermello.
Con ela traballamos as series de cor e forma, a atención, a motricidade fina, a coordinación manual...
Na outra actividade tiñamos que abrir unha serie de candados. Para iso debiamos contar cantas bólas tiñamos no chaveiro e buscar o candado que lle correspondía. Está é unha actividade que segue a metodoloxía Montessori.
Que traballamos? A motricidades fina,  a asociación cantidade-número, a atención...




No recuncho de grafismo creativo tiñamos que facer prácticas de trazos con rotuladores. Para iso tiñamos un folio cunha estrela no centro. Debiamos unir a estrela con cada un dos puntos situados nos extremos do papel. Despois tiñamos que realizar liñas horizontais en cada unha das áreas creadas.
E que traballamos? Fundamentalmente a motricidade fina. A práctica deste tipo de trazos é a que nos permitirá avanzar na destreza cos últiles de escritura.




No taller de Samaín, andivemos picando a araña que decorará a nosa fiestra.


Como recuncho de xogo libre tivemos a cociña.