domingo, 20 de mayo de 2018

TRES EN RAIA

   Como traballo para o día da familia, todo o ciclo de Educación Infantil acordou facer un tres en raia. Cada aula elexía que modelo de figuriñas facía. Nós optamos por facer unhas xoaniñas e unhas flores aproveitando o traballo no recuncho de primavera.
Foi un traballo minucioso e que levou moito tempo ao ter que deixar secar cada parte das figuriñas feitas coa pasta de barro así como por ter que pintar cada cara das mesmas por separado.
Todo está feito a partir de boliñas de barro ou plastilina que aplastamos nalgúns casos para darlle a forma desexada.
Espero que vos gustase o resultado e que xoguedes en familia (cando ides a un restaurante, nun avión, de acampada... ). Esta pode ser unha boa opción para pasar un ratiño todos xunto.



 

martes, 15 de mayo de 2018

SEMANA DA CIENCIA 2018

  Como sabedes, a pasada semana adicouse á ciencia. Houbo actividades organizadas polo concello para achegar aos nenos e nenas a este mundo. Dende o noso cole quixemos sumarnos a esta celebración e, o Equipo de Dinamización da Lingua Galega, organizou tres talleres científicos nos que se desenvolvían diferentes experimentos: de densidade dos líquidos, de imáns, de tensión superficial, etc. Nestes talleres, os encargados de explicar os experimentos aos pequenos e de facer as demostracións foron as nenas e nenos de 6º de primaria. A experiencia foi todo un éxito. Noraboa aos rapeces polo seu traballo! Seguro que repetiremos en vindeiros anos!



DÍA DA FAMILIA!

Este é un día moi especial para todas as familias; é o seu día.
Para conseguir un desenvolvemento integral da nena ou neno é fundamental o entorno familiar. Crecer nun ambiente cheo de cariño, respecto, diálogo e protección será o que lles permita desenvolverse con plenitude ata lograr unha vida autónoma e independente.
Dende o cole, quero darvos as grazas pola vosa participación, polo voso respecto e polo voso deixar facer, tan importante neste maneira de entender a educación. A colaboración bidireccional familia-escola e escola-familia é fundamental no proceso de ensino aprendizaxe así que, grazas.
Os nenos e nenas queren  desexarvos un FELIZ DÍA DA FAMILIA!



jueves, 10 de mayo de 2018

A voltas coa recta numérica

Un dos aspectos matemáticos que traballamos ao longo e todo o curso é a recta numérica.
Para o seu dominio hai que ir avanzando polos seguintes niveis de progresión:
1- Nivel corda
2- Nivel cadea irrompible
3- Nivel cadea numerable
4- Nivel cadea bidireccional

Evidentemente teñen que pasar polo primeiro para avanzar ao seguinte.
No nivel denominado corda, o alumnado é capaz, por exemplo, de recitar os números do 1 ao 10 pero sen establecer un sentido á acción de contar.  Dirá algo así:"undoustrescatrocincoseisseteoitonovedez".

No nivel de cadea irrompible, o alumnado é capaz decir os números do 1 ao 10 pero diferenciando unha palabra doutra. O neno ou nena diría algo así: "un, dous, tres, catro, cinco, seis, sete, oito, nove, dez", e de novo empezando por un.

No nivel de cadea rompible, o alumnado xa será quen de contar a partir de calquera número.

Para traballar o paso de cadea irrompible a rompible estamos facendo multitude de actividades. Entre as cales a favorita da maioría é a recta numérica xigante. Primeiro poñémonos nun determinado número e imos dando saltos. Cantos hai que dar ata chegar a outro determinado número? Por exemplo, dende o 1 cantos saltos teño que dar para chegar ao 6? Despois xogamos a ir marcha atras...











lunes, 7 de mayo de 2018

Novos recunchos!

Nos últimos días inauguramos novos xogos  nos recunchos. Destacamos dous: un xogo de letras (tipo twister) e unha baralla para o recuncho de números.

O xogo de letras consiste en seguir a idea do famoso xogo "twister" para traballar a asociación entre letra maiúscula e minúscula. Non só para interiorizar esta asociación, senón tamén para reforzar as aprendizaxes dos que aínda dubidan nalgún maiúscula.
Contabamos cun tapiz no que hai catro formas: trébol, estrela, nube e corazón. Dentro de cada unha hai unha letra maiúscula.
Comezamos o xogo facendo xirar a ruleta e fixámonos en que caeu a frecha. Por exemplo: man dereita, na letra i. Pois tiñamos que poñer a man dereita na corresponde á letra i minúscula, é dicir, a letra I maiúscula. Resultoulles un xogo moi dinámico e divertido.






En números, tiñamos que xogar cunhas barallas de Elmer para reforzar a cantidade e grafía ata o número 6, así como o concepto "maior ou menor que". Consistía en repartir as cartas en montóns. Levantamos a primeira e, quen teña a carta de maior valor, lévaas todas. Así ata acabar as cartas. Quen máis carta teña será quen gañe a partida.



A reciclaxe dos venres!

Os dous últimos venres adicámonos á reciclaxe. Empregamos tubos de cartón para convertelos nun loro.
Pintamos os tubos de dúas cores, recortamos a barriga e o pico, pegámoslle plumas, ollos e... Listo!





jueves, 19 de abril de 2018

O experimento dos venres!

 O pasado venres tocounos facer un experimento sobre mesturas. Tiñamos unha serie de substancias e uns vasos con agua. Primeiro tratamos de adiviñar que había en cada bolsa empregando o tacto, a vista, o olfacto ou o gusto. Despois tiñamos que formular un hipótese tratando de adiviñar cales desas sustancias se disolven na auga. Para iso, marcabamos nunha táboa cun X si pensabamos que a substancia se disolvía ou non na auga.
Despois comprobábamos que ocorría ao botalas na auga e remexer. Desaparecían mesturadas na auga? Quedábanse na superficie? Afundíanse?
Por último, correximos a hipótese inicial para saber si as nosas ideas iniciais eran ou non correctas.







domingo, 15 de abril de 2018

Esta semana nos recunchos...

  No recuncho de números traballamos a xeometría e a medida coa axuda de Elmer. Xa que o libro que gustou máis da mochila viaxeira foi o de Elmer, iniciamos unha serie de actividades matemáticas relacionadas con este famoso elefante.
Primeiro planteamos o reto de construír a Elmer con pezas axudándonos dunha plantilla. Reto complicado para algún. Despois o que tivemos que facer foi descompoñer a figura en cores facendo torres: unha de cor amarela, outra branca, lila, vermella... e así ata rematar con todas as pezas. Observamos as diferenzas entre elas: que torre é máis alta, cal máis baixa, se hai torres iguais...  E ordenámolas de menor a maior. Despois o que fixemos foi averiguar canto mide Elmer transformándoo nunha liña recta. Como facemos isto? Descubrimos que temos que unir todas as pezas para sabelo. E logo usar a regra.
























  No taller de primavera, fixemos unhas bolboretas empregando a nosa foto e recortando e pegando papel de seda. Así, ademais de darlle cor permitimos que pase a luz e se faga un efecto moito máis fermoso.
Con esta actividade traballamos sobre todo a motricidade fina e a creatividade.



No recuncho de letras, estamos traballando a asociación maiúscula/minúscula a través dun xogo que consiste en colocarlle á letra maiúscula que aparece en cada flor o tapón coa minúscula correspondente.


No recuncho de coches, como xa sabedes, traballamos o xogo simbólico.

No taller de grafismo, continuamos cos trazos. Neste caso, os verticais e horizontais. A actividade consiste en facer trazos verticais e horizontais con rotuladores de cores tendo en conta unha consigna. Un cadrado de trazos verticais ou horizontais  non pode estar ao lado dun igual ca el. Resultou todo un reto non equivocarse!!
Así, non só traballamos a motricidade fina senón tamén a atención,  a creatividade, a memoria a curto prazo...



domingo, 18 de marzo de 2018

Esta semana nos recunchos...

No recuncho de números, tivemos dúas actividades: por un lado,  unhas cenorias ás que tiñamos que poñerlles tantos rabiños como indicaba o seu número e, por outro, tiñamos que construír entre os catro un muro con pezas seguendo a consigna de que non poden coincidir dúas cores xuntas.
Coa primeira actividade, reforzamos a asociación da grafía dos números hasta o dez coa cantidade. Coa segunda estamos traballando ademáis da motricidade fina (a pinza), a lóxica e a resolución de problemas.

 


No recuncho de letras, repetimos o xogo de "o rato caza o queixo"  co que, como xa sabedes, traballamos a lectura de sílabas.



No recuncho de debuxo, pintamos con acuarela despois de pegarlle á cartolina unhas tiras adhesivas para que quedase un efecto distinto ao despegalas. Así traballamos a motricidade fina, a mezcla de cores e... ,por suposto, a creatividade.



No recuncho de coches tivemos unha novidade. Tiñamos unha "pista" para xogar con coches relacionados coa construción. Neste recuncho só podían xogar dous nenos ou nenas. Encantoulles!
Así estamos favorecendo o xogo simbólico, fundamental nestas idades.
Mediante o xogo a nena e o neno aprende a coñecerse, a entender o contorno e a relacionarse cos demais mentres se divirte.
O xogo símbólico soe aparecer entre os dous e os seis anos, dependendo da madurez do pequeno/a, e irá evolucionando e gañando cada vez máis complexidade segundo vaian crecendo. Os nenos son capaces de recrear situacións ficticias como se estivesen pasando realmente, eles convírtense en personaxes e dotan de vida aos obxectos empregando a súa imaxinación.
Neste xogo simbólico cada nena ou neno expresarase dunha determinada maneira, non haberá dous nenos que xoguen exactamente igual.


No recuncho de Grecia, andivemos pintando o noso partenón e comezando a recortar o que será a decoración da porta da aula que da ao corredor. Xa iredes vendo de que se trata.